經理人結婚　鄧紫棋飛泰國撐場

「宇宙天后」鄧紫棋（G.E.M）啱啱同好友何超蓮到了日本旅行，話咁快佢又走咗去泰國！無錯，國際G.E.M係會去泰國架，佢喺社交網留言表示：「日本之後是泰國～Lupo和妹妹同時都在，到底是什（甚）麼樣的一個場合呢？猜中沒奬，但還是歡迎大家踴躍的猜！」雖然你歡迎大家猜，但你一啲提示都無，叫人點猜呢？

未幾，G.E.M佢又上載一張在海灘上有人正在行婚禮的相片，又留言：「我生命中其中一個最重要的男人今天結婚了。看著（着）他們，我真的好感動。要幸福喔！！！」仲TAG咗佢經理人張丹個社交網戶口，原來張丹喺泰國舉行婚禮呀，國際G.E.M仲飛埋咗過去觀禮，真係好感動呀！之後上載咗自己同一對新人既合照。嘩，不得了，成件事真係好好感動，好有愛。鄧紫棋後尾仲走埋上個婚禮台影咗張單人照，仲留言話：「沾一沾福氣～～～」唔通G.E.M被氣氛感染到，有結婚嘅衝動？