做選美評審　小方完賽要急刪參加者電話？

ViuTV選美真人騷《美選D.n.A》今晚進行決賽，擔任司儀兼評審的方力申（小方）、郭偉亮（Eric Kwok）及火火比賽前在Facebook玩直播，小方話知道TVB有另一個大騷，但佢哋節目的賣點是佢哋三個首次做大型節目的live司儀，所以會有好多蝦碌嘢，之後指住火火話：「會有好多粗口！」火火都笑說：「點解搵專講粗口嘅人做live騷，我係唔會孭鑊嘅，佢嘟唔嘟得切呢？」有網友留言問係咪有內定？佢哋話：「梗係內定啦，但我哋未知邊個，頒獎禮係咪內定吖？」之後火火先至澄清指冇內定。

講到心水人選？Eric Kwok講笑說：「我哋message佢之後要覆囉！」小方同火火就笑佢：「你死喇，live緊。」火火話之後唔會再聯絡一班參加者，小方都就話過咗今晚會delete晒佢哋嘅contact，火火即刻話：「你有佢哋contact？你曳呀！」