登基上癮!薛家燕又黃袍加身

20161218
東網電視
更多新聞短片
正!
舊年家燕姐現身無綫台慶頒獎禮時,一身黃袍上陣,大批網民笑指佢係咪「登基」,引起極大回響。而向來玩得嘅家燕姐,直情玩環保循環再用,之後出席新城頒獎禮同樣着番同一件黃袍,認真爆笑!
今年,薛家燕孖住陳彥行、鄧兆尊及阮兆祥這個《皆大歡喜》組合齊齊為台慶擔任頒獎嘉賓,家燕姐穿上一襲鮮黃色衫「再度登基」,連司儀鄭裕玲(Do姐)都問:「家燕姐啲登基衫喺邊度買?」好多網友睇見即笑問家燕姐點解可以多次「登基」,又話套黃袍同個頭飾充滿咖喱味即係印度風,同時又玩爛gag、反問家燕姐如果着成咁搭飛機嘅話,係咪可以「登機」成功!
最後,今年首設的「最受歡迎劇集搭檔」獎項由《EU超時任務》的搭檔組合王浩信及朱千雪奪得,二人上台多謝劇組人員、監製林志華,仲坦言非只是二人的努力。浩信笑言好一陣才回過神來,因為上一次上台攞獎已經是2013年攞「男飛躍」,沒想過會再上台攞獎,今次跟千雪攞獎心情好high!而千雪則表示見到監製林志華感動到想喊,而她亦好開心。問二人會否請工作人員吃飯?浩信坦言:「會,即刻想請佢哋。(會否再演情侶?)聽日就會,因為新劇入面同浩信又演情侶。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon