撰千字謝辭　龔嘉欣視姚子羚係好姐妹

入行8年嘅無綫藝員龔嘉欣，終於憑《幕後玩家》中嘅「爆喊大婆」一角奪得《萬千星輝頒獎典禮》「最佳女配角」！佢喺頒獎禮上喊爆多謝家人，不過佢日前就喺社交網站預告謝辭：「很多說話想說，讓我專心完成連續通宵的拍攝工作，再一次過把心底話說出來！」

果然龔嘉欣今晚就打咗篇千字文，逐一多謝身邊幫過佢嘅人，當中包括監製錢國偉、監製戚其義、無綫高層曾麗珍、一眾幕後同事、歷任經理人和Fans等，佢仲特別要多謝好姊妹姚子羚，話對方喺受傷嘅時候，仍然陪龔嘉欣一齊分析角色，佢留言話：「人生中能有你這位好姐妹，是我的福氣。」

最後龔嘉欣都不忘勉勵自己：「最後，也提醒自己，往後日子，從新出發！不能鬆懈，只求繼續進步，不教你們失望。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon