33歲陳妍希一索得男 B仔叫小星星
33歲台灣女星陳妍希今年7月與內地男星陳曉結婚,當時表示雙喜臨門!數數手指陳妍希差不多臨盆在即,豈料今日有消息傳出陳妍希在台北一間婦產科醫院誕下一名男嬰,還指有人目擊在育嬰室的BB床上看到陳妍希的名牌,又指BB重約8磅。

而陳妍希剛剛終於更新微博,承認已經生B,不過就冇講明係B仔定B女,只係簡單咁上載咗一張相,相信係陳曉加陳妍希嘅手,再加BB嘅手仔相,然後留言:「感恩『小星星』成為我們家的一份子,願你從今以後平安喜樂一閃一閃亮晶晶。」後來陳曉終於在微博揭盅,佢留言:「出拳的那小子,希望你堅強,要聽媽媽的話!」即係陳妍希一索得男!而張相其實好得意,因為佢哋兩公婆刻意擺出「包、剪」手勢嚟配合囝囝,咁就有齊晒「包剪揼」喇!

東網記者搵到陳曉,他透過wechat回應表示:「好開心,希望他健康開心長大,謝謝大家。」
__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon