伍允龍帶傷拍打戲 劉佩玥:好欣賞佢
藝人伍允龍(Philip)及劉佩玥(Moon)出席搜尋網站頒獎禮,兩人奪得「人氣電視螢幕情侶」獎。受訪時兩人表示今次是首次奪得情侶獎,Moon坦言很開心:「網上同出街都好好反應,大家見到我都問貓仔(伍允龍在《城寨英雄》的角色)點解唔一齊,套劇嘅餘溫仲未散,好開心。(會唔會順應民意喺埋一齊?)大家要將現實同戲分清楚。」Philip亦謂:「好開心,證明我哋都做得OK。(咁你自己分唔分得清?)我哋係朋友。」Moon亦謂:「如果真係(拍拖)唔會唔講,不過就係好朋友先可以維持咁耐。」問到可有發展可能?Philip說:「呢個世界乜都有可能,不過依家冇。」

拒絕用替身

講到聖誕節,Philip透露要跟甄子丹拍戲,講到他右手骨折傷勢,他說:「未好番,我喺今個月1號整親,要最少35日先可以好番,不過我前日已經拍咗打戲,但盡量用多啲左手同腳。」Moon亦謂有問伍允龍有否需要用替身,她說:「但因為場戲佢自己度,佢想自己親力親為。(好欣賞佢?)不嬲欣賞佢,佢拳拳到肉,唔係自己做唔滿意。」
__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon