林家棟機舖做兼職遇過打劫

藝人林家棟現身九龍塘出席以電子遊戲為題材的電影首映禮，他坦言一向對電子遊戲不感興趣並甚至有點抗拒外，更自爆在十多歲時在電子遊戲機中心即俗稱機舖當兼職時，遇上劫匪！他說：「我記得個陣時啱啱引入啲食鬼機，我喺長沙灣做part time睇住啲機，點知有人走入嚟打劫，最後畀個賊劫走咗幾百蚊。」最近忙於拍攝新片的家棟，身形明顯消瘦縮水，他說因在泰國拍攝，並要在炎熱的天氣下身穿西裝跑來跑去，他說：「套戲成日都要講泰文，要記住啲音都好辛苦，不過都唔夠成日着住套西裝咁辛苦，估計瘦咗7至8磅。」