【趕過冬至】敏之開刀誕7磅幾長腿B!

20161221
東網電視
更多新聞短片
恭喜晒!索腿天后敏之做人母喇!

37歲「索腿天后」陳敏之一早已經講定12月中開刀生B,又影晒巨肚寫真相,尋日仲有人見到佢入院待產㖭。

而今日終於傳來好消息,陳敏之已經生咗喇!BB趕及出嚟同爸爸媽媽一齊過冬至同聖誕,一家團團圓圓!東網記者即致電陳敏之恭喜,她回覆東網時因為剛開完刀把聲唔係好夠氣:「BB好多頭髮,個頭好大,頭形似老公。(BB似邊個?)覺得似老公多啲,但老公就話似我多啲。」敏之又謂傷口開始痛,因為麻醉藥開始過。她又透露BB現正在保溫箱,所以未能好近咁同BB接觸。東網率先晒敏之B仔嘅腳仔相畀大家睇,B仔腳長長,連腳板都大過人呀!

之後敏之仲喺IG留言同大家報喜,說:「各位Uncle, Auntie, 我已經出咗世啦!我有7磅11,還擁有一雙大腳八!真係辛苦媽咪了」