喇叭回音大　黎明介紹活動逐字讀

天王黎明日前與陳慧琳（Kelly）、李幸倪、林奕匡、陳柏宇、JC及彭永琛等歌手出席澳門舉行的戶外音樂會，一身黑貴氣Look的Kelly一口氣唱出四首經典金曲《最佳位置》、《對你太在乎》、《戀愛神經》及《大日子》，掀起全場觀眾起身跳舞。

任壓軸的黎明坐在櫈上由多位性感女舞蹈員伴住升上台，非常有霸氣，有「明福俠」稱號的黎明先唱出兩首快歌《DNA出錯》及《危情追縱》熱身，接住落台與歌迷握手，當他唱罷《願你今夜別離去》便開金口說：「希望嚟緊聖誕節、新年多啲氣氛，氣溫會下降。」舞台隨即營造飄雪效果伴他唱出《送你一瓣的雪花》。

向來提攜後輩的黎明介紹旗下19歲新女JC出場，他說：「今日我帶咗個小朋友嚟，佢真係年紀好細，佢會唱兩首歌畀大家。」JC即唱出《別說》及《說散就散》，換了另一套西裝的黎明再度登場，並介紹活動說：「澳門。11月。有。賽車。今日。呢度。之前。又有。馬拉松。幻彩。大巡遊。仲有。依家。進行緊。光。影。節。」逐個字讀出的黎明解釋說：「前排觀眾有喇叭冇問題，但喺後台聽到好大回音，澳澳澳......門門門......1個字乘10 ，黐埋一齊講就聽唔到，要逐個字彈住講。」表接再用逐個字講出：「臨近聖誕，同你心愛嘅人去欣賞燈飾同埋光影匯演，祝每位朋友開開心心過聖誕。」