小儀冬至車禍　麥玲玲勸轉揸綠色車改運

DJ阮小儀駕駛迷你白色小座駕途經佐敦道廟街期間，竟然被尾隨車輛「強吻」，小儀落車查看，發現車尾遭撞花，但對方卻撞車後不顧而去，小儀當然激氣，第一時間致電森美求助。事後小儀回覆東網報平安，對於發生無妄之災，她說：「架車畀人撞，仲不顧而去，報咗警，所以唔方便講太多。（人有冇事？）人完全冇事，只係刮咗架車啫，刮花咗『籮柚』囉！」

森美自認近身侍衛

記者訪問森美對小儀撞車一事有何意見？他謂：「我知道，佢一撞車就打畀我，我係佢近身侍衛嘛，我叫佢冷靜報警，警方會幫手，好彩好小事啫，但撞佢架車嘅人不顧而去，交畀警方會搵嗰個人啦！（知唔知點發生？）佢話坐喺車度，感到有架車撞埋嚟，震一震，再望架車就走咗喇！」

小儀輕微犯太歲

而玄學家麥玲玲表示伐今日是冬至，開始步入新一年的氣運，小儀有輕微犯太歲，白色車對小儀是有助事業及財運，但鮮色如墨綠色車會更有利她。麥玲玲稱小儀要留意家宅方面，或者家中進行裝修會有幫助，另外，亦要注意視力問題，而新一年小儀的財運仍然不俗。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon