《致》冇獎唔舒服 郭晉安包容賽果唔想評論

20161223
東網電視
更多新聞短片
安仔直認《致命復活》冇獎攞有唔舒服,夠坦白。

藝人郭晉安、林欣彤(Mag)、Babyjohn(蔡瀚億)、陳嘉佳、陳明恩、吳沚默等日前為無綫劇《老表,畢業喇!》於大埔拍外景,安仔未能成為四屆視帝,很多人戥他不值,但他表示包容賽果,並叫大家繼續撐他:「我團火唔會熄!下年再投我神聖一票。」

郭晉安預計聖誕及新年都要開工,但老婆歐倩怡絕不會詐型,對於在台慶頒獎禮失落視帝,大批網友戥他不值,安仔多謝大家的支持。

「要包容個賽果」

他說:「唔好意思達唔到投我票嘅人嘅要求,如果大家覺得我值得打破歷史拎第四次視帝,下次就再撐我啦!我會繼續努力,團火係唔會熄,我承諾會有更好作品畀大家睇!不過《致命復活》冇獎,心情有唔舒服,大家盡力完成艱巨任務,都想有鼓勵嘅,但唔評論喇!要包容個賽果。」

《老》劇中安仔與蔡少芬(Ada)發展地下情,跟這位舊拍檔合作,安仔指Ada爽快,很快便有默契:「其實《創世紀》之後都冇一齊拍劇,但有登台見面。(大家有咩唔同咗?)有咗小朋友啦!依家經常交流去邊度親子旅遊,佢提議自助遊,但我冇佢咁大膽,反映到我哋性格唔同。」

蔡瀚億林欣彤鬥氣

Babyjohn的角色來自新加坡,中英文都講不正,他更刻意加入「JM Tone」令效果更爆笑,令鬥氣冤家Mag經常忍不住笑,Babyjohn大讚她原來充滿喜劇天分,Mag說:「好大壓力㗎!我冇咩拍劇經驗,開頭覺得自己好蠢,企邊都唔知!惟有認真演,相信個劇本夠好笑!」Babyjohn即說:「其實你認真就係最好笑,令大家焗晒蟹(忍不住笑及忘記對白)!」落選港姐蘇韻姿(Andrea)飾演靚靚Model,亦有扮醜場面,她表示會好好把握機會。