43歲《閃電傳真機》張沅薇轉行做知客

20161223
東網電視
更多新聞短片
你可能唔記得佢,但你睇番劇照就認得!

兒童節目《閃電傳真機》入面其中一個「女神」張沅薇,當年係唔少小朋友嘅女神嚟㗎,不過佢已經息影多年。

近日,現年43歲嘅張沅薇就畀東網發現原來轉咗行,去咗一間新派粵菜館做知客,外形keep到好似當年咁省鏡㖭!張沅薇離開無綫後,就同音樂人王雙駿拍拖,並生咗個仔仔,不過兩個人最後都係分開咗,由張沅薇一個人湊仔仔。雖然佢已經生過小朋友,但見佢依家身形依舊苗條,完全係少女嘅Body,索!

原來張沅薇息影後,做過秘書又做過牆紙客戶服務推廣,依家就做知客,似乎對演藝事業冇乜興趣啵。記者見佢落場嗰時都冇周圍去,留番喺間食肆,得閒就補妝,有時又托頭諗嘢,記者上前訪問佢,問到會否復出?佢就話:「唔會復出喇,依家照顧家人。(獨力照顧個仔?)係呀!要照顧屋企人。」