玩到癲！蔡思貝生擒洪永城：同詩詠備案

藝人蔡思貝、洪永城（Tony）、朱晨麗、黃子恆等，到油塘出席無綫劇集《味想天開》宣傳，蔡思貝與Tony一身古裝新娘、新郎打扮現身，他們又應大會要求由Tony背着蔡思貝進行玩新人遊戲，他們除了互相餵食，蔡思貝又同洪永城大玩「樹熊抱」攬到實兼「咀嘴」，場面冧爆。「玩到癲」的蔡思貝更笑言要向Tony女友唐詩詠電話備案。

洪永城講嘢唔用腦？

問到是否怕唐詩詠呷醋？蔡思貝說：「佢會明嘅，咁宣傳緊要玩得投入啲，唔通悶蛋宣傳會有人鍾意咩？（Tony話你好猴擒？）大家都知洪永城不嬲出名講嘢唔用腦，不過我哋拍劇三個月，大家都係玩得嘅，乜都講笑。」

孖雪雪同日「結婚」

以出嫁Look宣傳的蔡思貝，被問到會否勾起她與男友麥秋成的分手傷痛回憶？她說：「唔會呀，我好開心，因為我今日同我好姊妹孫慧雪同日『結婚』，陣間我就趕過去，今日係我人生第一次做姊妹。（觸景傷情？）唔會啦，係好趕就真，忙過拍劇，又要古裝頭變番現代！（兄弟團中有冇筍盤？）仲未見面，陣間審核吓。（會搶花球？）搶到就搶，其他人應該唔夠我搶，其實我都唔清楚婚禮流程，但去得緊要全情投入。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon