鍾慧冰自爆有神經病：依家要食類固醇

藝人鍾慧冰與張學潤為有線娛樂新聞拍攝節目「2016娛圈點算」，回顧本年度娛圈大事，對於今年圈中婚事特別多，鍾慧冰笑謂：「睇到我都蠢蠢欲動想嫁，不過呢個任務都係交畀阿女，我嘅重任係要醫好自己個神經病！」原來她早前不慎扭傷右腳，誤以為僅是差錯腳，故未有及時治療，至後來右手和左腳均出現關節問題才驚覺大問題，她謂：「醫生話係血管炎，細菌襲擊神經線，導致關節出現問題，依家要食類固醇，情況開始好轉，應該唔會有神經病！」

而忙於舞台劇的張學潤就談及早前發生胡杏兒換角風波事件，更抵死笑謂：「今年最麻煩係呢單，所以話人不可以貌相，以前啲藝人同依家好唔同，所以話做到老學到老！」還現時角色換上楊怡後，全組人均合作得愉快。