羅仲謙拍戲博到盡　楊怡冧爆送鼓勵

藝人羅仲謙與楊怡呢對夫妻人前人後都咁恩愛，婚後羅仲謙仲積極搵錢養起老婆仔，真係sweet爆。早前，佢就拍咗一部網劇，其中一場戲都好危險架，講佢雙手被反綁仲被人用手按住個頭浸入水入面，其間佢不停反抗但唔成功，足足被浸咗近十秒都冇氣抖，上返水面時見佢都表現得好辛苦，真係陰公豬。

羅仲謙喺社交網上載片段，仲留言：「我原只想把這段片發給太太欣賞，卻收到她給我這樣的回覆『老公， 其實我不用吃得好、住得好，所以你不用那麼拼命的』，令我感到非常感動。但我卻想，就因為妳這句說話，我會更拼命，讓妳吃得好、住得好。」擺明放閃的羅仲謙，再獲太太楊怡轉載留言「拍得這麼辛苦，你拍的都支持。」

最緊要小心

嘩，兩公婆公然放閃打情駡俏，網民直叫恩愛到爆，羅仲謙接受東網訪問時表示「梗係冧爆啦。作為男人咁辛苦搵錢，都係為身邊女人。不過呢句說話變成我工作原動力，我反而會更加搏命。」他表示聖誕會回港兩天與太太慶祝，會舒舒服服簡單食餐飯。另邊廂楊怡就咁答東網，佢話都係希望老公工作咁辛苦，想俾多啲鼓勵佢，咁如果有動作戲都會擔心既，會叮囑佢要小心注意安全。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon