名人:細仔似金城武 薛芷倫讚超級筍盤

20170101
東網電視
更多新聞短片
畀人讚似金城武(圓圖)?Terence(右圖)又真係幾型嘅!
「Ball后」薛芷倫(Fanny)與大生銀行家族後人前夫馬清偉育有三名子女,其一向作風低調的三位「富二代」大女兒Tess、大仔Justin及細仔Terence昨晚隨Fanny出席除夕派對,鮮有亮相鎂光燈下的他們,搶鏡程度爆燈!
爆兩名仔仔仲未有女友
Fanny接受東網訪問時,大方透露Justin大學畢業後便在爸爸的公司幫忙打理家族生意,身材fit到漏的Tess仍在擔任私人健身教練,而吸睛程度最高的Terence則還在英國倫敦政治經濟學院讀大學。Fanny又踢爆兩位仔仔現時均沒有固定的女朋友,笑稱及大讚二人是超級富二代筍盤。談及讀書成績彪炳的Terence,不但在校內熱衷組band、及扮加藤鷹上演舞台劇,多才多藝,外貌還被外界盛讚激似日本型男金城武時,她哈哈大笑說:「細仔真係愈大愈靚仔,個個都話佢似金城武,我話『吓,金城武好靚仔㗎喎』,我都好鍾意金城武㗎。」
憧憬再披嫁衣
至於講到攜同男友現身派對的Tess,問到Fanny會否向女兒催婚?她笑稱叫女兒千萬不要爬自己頭:「阿女唔會同冇咁快結婚,冇諗咁快結婚住,做吓嘢、拍吓拖先,我都同我個女講唔好咁快結婚住,我話等我結婚先,如果我做咗外母就變咗趕客㗎嘛,所以要等我結婚先。」提及新一年到來,Fanny表示2017年的目標要做自己的人生勝利組。
二仔動靜皆宜
從Terence的社交網站上,可見其生活相片都充滿演藝及運動色彩,Terence不只組band、唱歌、彈琴外,閒時又會跟同學及朋友仔整蠱造怪,表情豐富的他極有演藝細胞。此外,原來他同樣是喜歡運動的陽光男孩,除了踢足球、擲標鎗外,還有打桌球,可謂樣樣皆精。而Terence更是女性「絕緣體」,合照幾乎全男班,難怪呢位單身「富二代」咁搶手啦!
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon