《女神》誕生!黃偉文部署廿年報恩

20170101
東網電視
更多新聞短片
黃偉文為了報恩部署了長達廿年,成功打造《女神》鄭欣宜誕生。
《女神》入選「我最喜愛歌曲」最後兩強,輪到鄭欣宜上台唱歌。在「我最喜愛的歌曲大獎」拉票時,欣宜找來好友Supper Moment、藍奕邦及黃偉文拉票,而黃偉文在台上分享了一個故事:「啲人問我點解要寫《女神》,問係咪《你瘦夠了嗎》、《分手是常識吧》後處心積累而寫,其實呢件事我籌備咗廿年…」
黃偉文愈講愈感觸:「廿年前我以DJ身分參加電視遊戲節目,我一個人入清水灣電視城,好似觀眾咁要過五個關卡後,終於入到一廠,我嗰陣冇人識,又好怕醜,所以自己匿埋一角等埋位,期間有個肥騰騰嘅主持人過嚟同我傾偈,問我套衫喺邊度買,我當時受寵若驚,於是我好開心咁同佢講,但事後我諗番佢又點會想着我套衫,佢只係見我冇人理,所以先叫我,其實沈澱霞又點會着某品牌嘅衫?其實人唔係老馮對人好,佢係過嚟畀溫暖我!所以呢個人情我一定要還,就算還唔到畀佢,還畀佢家人都好,我收到天使恩惠,有機會可以還畀佢個女。」
此時,欣宜已感動落淚,之後欣宜唱出此曲,台下歌手亦企晒起身,唱完她爆喊表示已經當攞咗呢個獎!
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon