小心噴血！蘇麗珊火辣艷舞色誘羅嘉良

形象清純的「短髮女神」蘇麗珊在網劇中穿上低胸短裙，扮演陪酒女郎在羅嘉良面前大跳艷舞，場面火辣，她又與男主角王陽激嘴，認真豁出去！挑戰性感演技的蘇麗珊表現緊張，在導演安排下清場投入拍攝。雖然不是營幕初吻，但蘇麗珊拍吻戲前仍難掩忐忑心情，原來真正問題不止是害羞，她說：「拍強吻戲要做掙扎反應，有幾次因為撞嘴要NG，再加上緊接我掌摑王陽一巴，反應唔連接又要NG，又要再錫和再打。王陽好好，佢叫我唔好就住打，要狠狠真打，真係打到佢面腫架，非常唔好意思！」不過相比這場動作戲，蘇麗珊笑言跳舞戲更難演。

擔心跳到似機械人

蘇麗珊在劇集中挑戰跳艷舞，笑言擔心跳到似機械人，加上同場其他女演員跳得太出色，擔心被比下去，她說：「第一次係鏡頭前跳舞，條裙又短又低胸，仲要喺嘉良哥面前跳，心情非常緊張，但都要硬着頭皮跳。因為我本身唔識跳舞，隔籬嘅女孩子又扭得好厲害，所以拍攝前要特訓，勁練咗幾十次先至夠膽喺鏡頭前跳。好多謝Toby（梁靖琪）花咗一日嚟教我跳舞，收咗工都專登留低陪我壯膽，畀咗好多信心和支持我。」

連場打戲

而在劇中飾演臥底女警的蘇麗珊，更有多場打戲，她說：「跳舞同打戲，係兩種好唔同嘅感覺，可能因為我細粒，又唔夠力量，所以覺得好難制服到賊人，效果搞笑。不過打戲動作快，加上後期剪接後見得吓人。但跳舞就好驚觀眾睇咗會覺得好流，仲要喺咁多前輩面前跳舞好尷尬，更加緊張。大家見我咁驚都唔敢笑，仲清場拍㖭，結果出嚟效果大家都好滿意！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon