《同盟》煞科 陳展鵬同定欣少啲見

20170106
東網電視
更多新聞短片
陳展鵬胡定欣同場都冇合照,有冇咁避忌呀?

藝人陳展鵬出席劇集《同盟》煞科宴,他說:「今晚我、定欣、山聰幾個畀錢。(視帝、視后出大份啲?)應該分開嘅,我意思係遲吓《城寨英雄》會再食一餐,到時請晒成個劇組,因為咁好成績,三地都有獎,要請監製食飯。(期待《同盟》又攞獎?)期待嘅,最緊要觀眾鍾意,嚟緊都有好多好劇,我自己好期待呢個劇,因為可以同鮑姐(鮑起靜)合作。(最難忘拍劇傷耳?)好番晒,冇乜嘢!」

展鵬被問到與胡定欣的緋聞是否隨劇集煞科而告一段落?他說:「緋聞就唔知會唔會停,但見面會少咗,因為拍《同盟》就日日見,各有各忙就公司見,我嚟緊要上《勁歌》,過幾日要剃頭拍劇,不過之前拍《張保仔》唔識,自己用鬚刨諗住再刮乾淨啲,可能傷到啲毛囊,依家人大咗要珍惜頭髮,有咗上次經驗,今次會好啲!」