《３日２夜》長腿出晒位　朱智賢唔吼矮仔　

藝人朱智賢和陳婉衡出席沙田馬場餐廳Jump開幕活動，朱智賢表示有時投注買馬都是跟人買：「我自己冇研究，所以沾下人好運。」其後得知藝人曾志偉賭馬贏了1600萬時，大讚對方很犀利。

「愛情係盲目」

談及張秀文戥她擔心，因長得高而識不到練馬師男友，會否介意男仔矮過自己？在《３日２夜》以長腿出晒位，身高１米７２嘅朱智賢說：「我本身prefer高過我嘅男仔，但有時感覺嘅嘢好難講，愛情係盲目嘅。」又透露現時已有一位高過自己的男友了。

陳婉衡表示現時單身

而陳婉衡則表示現時單身，強調沒有男朋友，聖誕都是跟貓過，自己對愛情不心急，但亦有遭媽媽催促，又笑言自己是宅女長留在家，今年目標是：「唔好咁宅，要出多啲社交活動同朋友聚會。」問到朱智賢會介紹男友給陳婉衡？朱智賢表示此乃重任，要真是好男仔才會介紹。