《3X3》：Deepika爆雲狄素惡樣細路心

在《3X反恐暴族：重火力回歸》（xXx：Return of Xander Cage）（簡稱3X3）中飾演Serena的寶萊塢著名女星Deepika Padukone首次進軍荷里活。她在加拿大拍攝期間向東網表示為了接拍《3X3》，幾年前專誠由印度飛抵多倫多一日與導演午膳，由於導演喜歡體育，Deepika曾是羽毛球健將，所以大家十分投契，一小時的飯敍食足兩個半小時才完成，最終她亦獲得此角。

Deepika未拍《3X3》前，原來曾有機會與雲狄素合拍《狂野時速7》，惟她經過試鏡後，因撞期演不成，未料之後二人終於在《3X3》中合作！亦令Deepika對雲大為改觀：「我睇過佢嘅照片同電影，初時以為佢唔係好友善，合作後先發覺係兩回事！雲拍攝一場戶外戲時，我哋都好凍，拍完後，雲即時好似個細路咁走近個暖爐，仲話以後唔想再拍，好想返屋企！」為拍此片，Deepika特別接受槍械及武術訓練，務求能在沒有武器之下擊倒對手，她說：「我好享受聽從軍人教我點用槍械，大部分特技鏡頭都親自上陣，電影公司有安排替身畀我，但我想自己嚟，除非個鏡頭好危險。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon