素顏戴王冠角　孕婦Baby仲有顆少女心

懷孕逾八個月嘅女星Angelababy（楊穎）現時留港待產，雖然老公黃曉明喺內地忙緊搵奶粉錢，兩公婆要分隔兩地，但Baby仍自得其樂，不時與一班好姊妹聚會，腹大便便嘅佢最近仲出席生日派對！

Baby嘅攝影師好友尋晚喺微博上載花絮照，只見佗B嘅Baby素顏依然明亮照人，令人羨慕，佢仲戴上王冠頭飾，睇嚟呢位準媽咪亦有顆少女心！另外，大合照見到Baby輕輕撫摸腹部，散發住母愛，而佢身後有好多氣球，其中一個係BB車造型兼寫上「Baby」，唔知係咪順便幫Baby大搞「Baby Shower」？