黃子恆爆洪永城蔡思貝有火花

20170113
東網電視
更多新聞短片
有啲咩火花先。

無綫藝員黃子恆於新劇《味想天開》內扮演人氣廚神,與朱晨麗及梁靖琪陷入三角戀,且一度沉淪毒海!他直言今次挑戰很大:「今次係入行咁多年最多戲份嘅一次,我喺網上參考咗好多吸毒者的行徑,發覺佢哋會失控到只重複做一個表情,我盡量眼淚、鼻水一齊流。(拍完對廚藝有興趣?)我本身鍾意煮嘢,今次有專業廚師跟場準備菜式畀我哋拍,梗係乘機偷吓師啦。」

子恆大讚拍檔洪永城及蔡思貝有火花,大膽尋求新的演繹方式:「搞到我同朱晨麗只能夠坐埋一邊剝花生咋。我哋兩個就好似去咗圖書館咁,好認真同嚴肅咁去對待成件事,不過朱朱都好勤力。(拍攝時有乜難忘事?)試過喺個廠到熄晒冷氣,同一時間用5個炭爐拍煮食場面,仲要不斷撥煙營造氣氛,呼吸唔到。(收視有壓力?)咁當然希望自己能夠討到觀眾嘅歡心啦。」