JW罕有谷胸奪兩獎！粉絲合唱感高興

歌手JW（王灝兒）出席電台舉辦的小型音樂會，獲頒「2016香港地區年度藝人」及憑歌曲《矛盾一生》奪得「最佳粵語十大金曲」。不過在音樂會期間，JW在獻唱時兩度遇上技術問題而令歌曲中斷，而現場的歌迷就立即大合唱幫JW完成首歌。

接受訪問時，JW表示首次遇上這些技術問題，不過就覺得反而更開心，因為知道歌迷可以一齊唱，笑言如果歌迷唔唱，自己都會覺得不知所措。提到再奪得兩個獎項，JW直言好開心可以拎到歌曲獎，因為《矛盾一生》勇奪8個星期的冠軍。問到今年的計劃，她透露會繼續儲更多歌曲，同時亦都正在構思舉行不同形式的音樂會。

另外，談到好友何超蓮舊愛吳克羣接受台灣媒體訪問時，覺得超蓮身邊好友講太多，暗示李蘊影響兩人感情，對此JW就話自己當時未同超蓮熟亦同李蘊好少聯絡，但就覺得超蓮為人大方：「其實感情唔應該講咁多，兩個人拍拖盡量唔講咁多，影響都少啲。（覺得身邊人講太多會影響感情？）超蓮唔會成日講太多感情事，其實件事都過左咁耐，唔需要拎番出嚟講，佢好大方，好易原諒人。」