利穎怡學龜功爆紅　網民翻Loop泳衣相

日前無綫節目《東張西望》女主持利穎怡訪問咗一個自稱「六合神童」嘅人，佢不但聲稱可能讓人增高10cm，仲自創咗一套「龜功氣法」，教人扮龜養生！利穎怡全程努力扮龜，仲以身試驗增高大法，節目播出後即時成為網上熱話，不過網民嘅注意力都去晒利穎怡度，大讚佢好「忍」功，全程冇笑出嚟，夠晒專業，仲將佢過往嘅性感水着look再次重溫，令人大飽眼福！

一學上手

利穎怡學「龜功」勁投入，首先要似隻龜要識「縮頭」，將個頭有咁入縮咁入，你睇利穎怡幾咁努力縮，佢真係縮到好似冇咗條頸咁，認真犀利！網民就話佢扮龜個頭扮得夠神似，連「六合神童」都讚利穎怡好聰明，一扮就上手。

而更厲害嘅陸續有來，「六合神童」突然好似拍緊《The Matrix》咁，成個身放軟向後伸展，而利穎怡亦都跟住佢個動作，放軟晒手腳，嚟一個「冇招勝有招」，利穎怡仲喺自己Instagram轉載有關片段，留言話：「沒錯，我小時候就學柔軟體操。」網民就話利穎怡身體夠晒柔軟，真係識縮骨功咁！其中一部份「六合神童」仲嘗試幫利穎怡增高，除咗幫佢按膊頭之外，仲用一條「崑崙玉」喺湧泉穴按壓，利穎怡仲痛到忍唔住叫咗出嚟！

即刻被起底

其實利穎怡又點止淨係呢一次訪問咁落力，佢之前就試過着住低胸白色小背心，去到長洲報道搶包山，即時畀網民封佢為「東張女神」，仲話好想畀佢瘋狂訪問！利穎怡仲試過着上三點式，介紹平價旅行團，網民就好奇一問，行程包唔包利穎怡着三點式先！現年29歲嘅利穎怡，擁有驕人嘅34C上圍，喺加拿大多倫多大學畢業後，番港入讀無綫藝訓班，於2015年加入《東張西望》擔任外景主持，

網民有話兒

Eaxxxxxp：利穎怡好勁~

Jorxxxxxu：成段片最好睇係條女呻吟咗出嚟

Faxxxxg ：點解唔係吳幸美架

Kexxxxn：辛苦咗個主持了........