蘇玉華懶得同男友結婚：冇諗住要小朋友

資深演員白茵與老公黃文偉慶祝結婚50周年，於馬會宴會廳設宴16圍款待一眾好友，白茵契女蘇玉華孖住好友劉曉彤現身，場面熱鬧。

蘇玉華表示送了一套清酒瓶及杯給契媽一家。談到契媽金婚，她表示：「佢哋到依家仲好sweet，成日一家人咁出現，家庭圓滿，我覺得年輕夫婦有問題，可以同契媽請教，能夠結婚50年好amazing ，我聽到暈得一陣陣，有幾多人可以咁呢？」原來不經不覺，阿蘇與男友亦共度了21個年頭：「我哋懶到連紙都唔想簽（結婚），不過好愛嘅，咁又冇諗住要小朋友，依家相處方式幾啱我哋。」已是三子之母的劉曉彤則表示最大的小朋友剛好10歲，自己忙於子女的功課問題，無意再涉足幕前。