軒仔遭惡意攻擊　方皓玟叫網民互相尊重

歌手方皓玟（小明）、胡琳等出席長者活動，身穿白色lace透視裝的小明表示自己擅於湊老人家：「我細個係婆婆湊大嘅，所以好易投入佢哋世界，覺得佢哋都幾可愛，就算年紀相距好大都溝通到。」又指第一個要應付的長者就是母親：「我覺得要真正關心佢哋，有時啲拗撬唔使太執着。（試過有激烈拗撬？）老人家有時唔太鍾意我哋玩電話，我都要刻意控制自己唔好玩，都係啲好細微嘅嘢。」她又提到之前冬至未能出席家庭聚會，不斷畀母親「哦」：「佢好小氣，新年醒番封大利是畀佢。」

大讚軒仔心地好

有傳好友張敬軒被撤出內地歌唱節目《歌手》，小明即驚訝說：「咁唔識貨！我唔能夠相信，係咪佢自己氣管敏感咋。（好多內地網民惡意攻擊佢。）吓，點解呀？佢咁好，又冇做啲乜嘢唔正確嘅事，有時意見唔一致唔一定要攻擊人，要互相尊重，我永遠都會為佢感到驕傲，我識佢嘅為人，希望大家唔好太單向睇一件事，同埋唔好睇少每一個留言。」問到可會慰問軒仔？她指大家不用擔心，對方雖然身體較弱，但內心很堅強，並大讚對方心地好。