做性感妓女 唐詩詠叫洪永城買飛撐場

20170117
東網電視
更多新聞短片
洪永城識做啦。

女星唐詩詠以紅色單肩裙出席其有份演出的賀歲片首映,問到會否請男友洪永城睇戲?她笑言:「叫佢買飛。佢要支持吓本地電影。(買幾多?包場?)心意。佢自己諗吓!我希望所有朋友嚟支持我,我拍咗咁多年劇,都儲落一班觀眾,希望票房好。我已經叫咗我啲朋友,要自己嚟睇一次,同家人嚟睇一次,同朋友嚟睇一次,最少睇三次。」

詩詠透露在戲中的角色既是正派又是反派,問到會否有咀戲?她笑謂:「咀戲同床戲交畀麥玲玲。佢同阿Bob有好多床戲,但唔關我事。我喺戲中飾演妓女,第一次做妓女,獻咗畀佢。(因為之前唔肯做?)作為演員,我冇限制,我唔介意做,只係冇人搵我做,我着咩衫都唔抗拒,好樂意。(要打扮性感?)有啲,會有低胸同着魚網絲襪,同以往乖乖女形象好唔同。」