生B前後都咁靚!索媽陳敏之揭箇中玄機

20170118
東網電視
更多新聞短片
陳敏之(左)同鍾嘉欣生完都咁靚!
【on.cc東網訊】圈中唔少靚媽生完都好似冇生咁,唔止身材冇走樣,個樣仲變得更加靚?!原來佢哋都有秘方!就好似32歲嘅無綫花旦鍾嘉欣咁,誕下女兒Kelly嘅佢早前由加拿大返過香港出席活動,大家都讚佢好靚!嘉欣喺社交網Instagram開心Share謂:「I absolutely love 田原香 I drink it every morning on an emptystomach. Makes me healthy:) Wishing everyone good health as well. 」(我真係好愛田原香,我會喺每朝早空肚時飲佢,令到我好健康!祝大家身體健康!)
敏之公開「變靚秘訣」
講起靚媽,點可以唔講另一位無綫花旦兼「索腿天后」陳敏之呢?喺尋日(17日)踏入38歲嘅佢喺去年12月誕下囝囝。同嘉欣一樣,佢哋都係第一胎,所以都特別緊張,好似飲食方面,生B前後都要非常注重,咁先可以Keep住「內健康、外美麗」!榮升人母嘅兩人,不時都喺網上分享湊B樂趣,網民都好羨慕佢哋生前生後同樣索爆!不過,大家唔使得個「恨」字,今次敏之就喺Facebook Live同大家公開「變靚秘訣」喇!
分享「上奶」心得
唔少粉絲都留言問敏之,點解生完好似仲靚咗?敏之就笑言因為生咗BB開心咗,仲透露餵緊人奶,所以依家就飲緊一隻滴雞精,因為可以幫助通奶,佢話:「除咗平時飲吓湯水,我仲飲緊田原香滴雞精嘅『王不留行』,因為呢隻可以幫我疏通乳腺呀,而且真係好好飲,好似媽咪煲嘅雞湯,勁好飲!」另外,敏之又大爆一件趣事,就係尋日幾個朋友嚟探佢時,不約而同買滴雞精去探佢,叫佢補吓身咁話,認真搞笑!
「爆喊塞乳生日」
唔少網民都留言祝敏之生日快樂,佢直言今個生日最難忘,因為係個「爆喊塞乳生日」:「尋日係咁多年來過得最特別嘅生日,一嚟今年屋企多咗囝囝,二嚟我『爆喊塞乳』,因為尋日班朋友嚟我屋企玩,我就掛住同佢哋傾偈遲咗去揼奶,搞到乳腺塞咗啲奶谷住谷住,超痛!我直情痛到標晒淚水,最後要搵靠陪月姐姐幫手按摩同飲田原香滴雞精嘅『王不留行』先至可以通番乳腺。」
提神湊BB
敏之啱啱生完一個月左右,佢坦言因為湊BB瞓得唔好,所以佢除咗靠平時陪月姐姐同媽咪照顧,都要飲吓滴雞精!佢話:「我依家飲緊個坐月組合,分階段有唔同口味,可以幫我提神、抗疲勞,仲有豐富蛋白質同埋係中藥配方。」佢仲話最緊要係冇防腐劑,所以媽媽們可以放心飲用。
笑自己好懶
佢又笑言自己好懶,所以隻滴雞精真係好方便,又零脂肪,熱量唔高,倒包滴雞精落個碗到整番熱就飲得,連老公都飲埋一份,因為要幫手湊B!佢又千叮萬囑大家要喺朝早空肚時飲佢,因為係最有效,唔好臨瞓前先飲!
畀咗條命囝囝
雖然照顧囝囝唔容易,但敏之一講起囝囝就一面冧爆:「囝囝真係好得意,仲好似遺傳咗我啲演藝細胞,例如扮喊、喵喵叫,好似畀咗條命佢咁,之前自己玩咗咁多年…到依家真係到我還債,為咗囝囝就算幾辛苦都值得!」敏之又催網民快啲生B。期間有網友大讚敏之生完B後索咗,敏之直認生活開心咗,所以望落更精神,又承認自己瘦咗:「不過個肚就…一拉開件衫嚇死人。」網民都話想希望飲完可以似敏之咁靚!