邊個正？周秀娜谷胸妃子VS心悠平胸公主

藝人周秀娜和劉心悠在將軍澳電視廣播城出席無綫新劇《宮心計2深宮計》記者會。全場最性感的周秀娜便V字領唐朝妃子Look騷事業線，甚有睇頭。周秀娜在訪問中就指自己暫時試了兩套衫：「呢套就係有咗BB之後。（所以要谷胸？）就係呢個源故，要睇落豐滿少少。」至於冇V領的心悠就表示自己是公主Look，問她有否出浴戲，她即笑謂：「我有瞓覺瞓唔着！」更笑謂自己是「平胸」：「胸口個領係平，小青姐話着得靚就得！」