30歲後先結婚　歐陽巧瑩唔會搞出人命

藝人歐陽巧瑩為無綫節目《3日2夜》宣傳，對於節目將於8月回歸，問到屆時會否再於節目中展露身材？她謂：「自從第一次騷過之後，好多搵我嘅工作都係要性感，起初唔抗拒，但慢慢就唔想畀人定型，同埋keep住身形好辛苦。」

談到若然公司order性感可會接受？歐陽巧瑩笑指要睇目的地吸引與否，更指去年曾獲監製提議孖住男友林師傑去旅行，惟後來因與拍劇時間撞到正，最終事件不了了之，她謂：「想去俄羅斯、毛里裘斯同夏威夷是但一度。（真人騷咁款？）應該好睇，因為上年我哋都好多拗撬，可能拍拖兩年幾踏入穩定期，了解大家多咗就會有磨擦，但都好嘅，令到大家了解多咗，感情就昇華咗！」

雖然有拗撬，但巧瑩坦言雙方未曾到過分手邊緣，更指與男友有傾結婚問題，但經算命後認為30歲以後才對雙方有好影響，故現時尚有6年時間計劃，更謂：「但男友好鍾意小朋友，不過我就未ready，所以都會好安全。」