《乘勝狙擊》:老千陳山聰硬咀傅嘉莉

20170120
東網電視
更多新聞短片
嘩嘩嘩!到手啦!
由藝人陳展鵬、陳山聰、林夏薇、傅嘉莉等主演的無綫熱播劇集《乘勝狙擊》口碑不俗,劇中主角各有Style,而陳山聰於劇中飾演一位魔術精湛的老千,名叫義仔,更有計謀地追求劇中賭王單立文的女兒傅嘉莉(Kelly)。
贏得單立文信任
而於昨晚一集尾段中,山聰一邊教Kelly賭術,一邊表演魔術,而今個星期尾,二人於劇中正式撻着,山聰更教Kelly擲骰子擲出Lucky 7,贏得一仗之餘,更贏得父親單立文的信任。當然,大家都好期待山聰與Kelly這段感情戲,山聰出盡招數追求她,更冧爆同Kelly講:「愛上一個人,可以喺一秒之間裏面發生!」之後佢哋又有一幕隔住氣球咀的戲份,當然觀眾一定唔夠喉,東網當然會為大家爭取搶先睇嘅機會,更有山聰與Kelly喺劇中肉緊咀嘴的獨家片段。
義仔為東網拍片
片段中,山聰先硬咀Kelly,咀多兩咀,Kelly都欲拒還迎,之後二人便激吻起來。究竟佢兩個喺劇中感情發展會係點,會唔會有人介入感情,大家就要繼續追看,不過,喺劇入面成日有句口頭禪「我唔係賣廣告」嘅山聰就為東網專登拍咗條片,明正言順「賣廣告」,片中山聰笑謂:「我義仔唔係賣廣告,究竟我幾時可以追到豬扒妹,究竟我幾時錫到豬扒妹,大家一定要留意《乘勝狙擊》!」