龔嘉欣組「少婦聯盟」 負責搞鹹濕嘢

20170120
東網電視
更多新聞短片
「少婦聯盟」由龔嘉欣、蘇玉華、陳凱琳、陳庭欣、沈卓盈、譚凱琪、樂瞳組成。
無綫新劇《平安谷.逐個捉》「少婦聯盟」龔嘉欣、蘇玉華、陳凱琳、陳庭欣、沈卓盈、譚凱琪、樂瞳等晚上為新劇開工。龔嘉欣透露與劇中一眾女演員組成「少婦聯盟」分享師奶着數情報,她笑說:「我哋組成咗一個「少婦聯盟」,喺群組裏面分享着數情報,好似一個小師奶group咁分享有乜平嘢買,一齊買過暖水壺、洗鼻器,哈哈。」
新劇以群體戲為主,一大班演員齊齊開工有show落袋,大家也拍得開心。問到「少婦聯盟」中誰人最師奶﹖龔嘉欣笑說:「我就負責帶鹹濕嘢(指涼果),陳凱琳負責帶甜品、蛋糕返嚟,加入之後覺得自己好師奶,但又好開心。(恨嫁?)希望陳凱琳嫁先,啱就唔好等,雞年好年。(你幾時嫁?)我愈來愈冇期望,自己兼顧唔到,連屋企都搞唔掂,好擔心,屋企亂到就嚟行唔到。(姚子羚搞掂?)佢呢排去咗度假,我呢排獨居緊,趕緊新年前清理。(姚子羚幾時結婚?)我想佢快啲結婚囉,佢同阿邦感情好穩定,姚子羚又係賢妻,雞年好年,願望姚子羚雞年嫁得出,我喺度呼籲鄭子邦快啲求婚。」