網民熱話：張繼聰豪Dee教你成功?利是

藝人張繼聰（Louis）係公認嘅「愛妻號」，除咗令太太謝安琪（Kay）可以專心養胎，就孭起搵錢嘅重任又拍劇又拍廣告，尋日仲喺社交平台上發表愛的宣言感謝太太呢十年嘅陪伴同支持，令唔少網友都大讚十分感動，係超級好男人！Louis近年嚟人氣爆燈，唔單只拍嘅劇受歡迎，仲成為廣告界嘅新寵兒，頻頻接拍不同廣告。最近佢仲夥拍網絡紅人豪Dee為一個曲奇品牌拍廣告，豪Dee憑其搞笑功力，經常以誇張嘅扮相在其創作平台上載不同短片，吸納不少粉絲支持，而今次有佢加埋Louis一齊夥拍廣告，已經引起網民關注，仲話必睇呀，所以上載短短數天已經達75萬次瀏覽，可見二人威力不知幾厲害呀！

說咁快下個星期已經係新年，Louis呢段片就教大家點樣係新年冧掂親戚朋友，成功拎到利是。佢仲同大家分享咗三個拜年會遇到嘅問題，第一關喺「你是誰？」香港人生活咁忙碌，好多時都喺新年先會有機會同親戚朋友聚吓，一年先見得一次，好多時都唔認得邊位親戚。片中Louis同豪Dee都唔例外，雖然佢哋唔認得位親戚，不過以笑容搭夠，豪Dee仲搞笑話：「睇佢一把烏黑嘅秀髮，仲傳來陣陣嘅鹹魚香，一定喺我哋親戚。」嘩，真係唔該晒喎，Louis立即使出殺手鐧送上曲奇，嗰位姑姐不知幾開心又攬又錫Louis，就係咁樣成功拎到利是喇！網民都搞笑話平時自己都有送，但點解姑姐唔會又攬又錫同咁易就畀利是嘅，唔通要變到Louis咁型先得？

第二關係「長輩說教」，相信大家拜年時都一定會聽過呢啲問題，你有冇拍拖呀？、你搵幾錢一個月？不過好多時答咩答案都係唔合長輩心意，就好似Louis被問到你有冇拍拖，佢就話：「我經常都有拍拖。」但就畀位長輩話佢咁細個學咩人拍拖，仲唔畀利是添，豪Dee就一臉得戚話：「我最憎人拍拖。」當然佢以為咁就輕易拎到利是，咁就錯喇，佢就畀人話幾十歲都冇拍拖，將來冇人要呀！呢個情況，Louis就教大家要耐心聆聽長輩嘅說話，之後再送上曲奇咁就輕易拎到利是。網民都紛紛留言話呢啲問題年年都聽，答又死唔答又死，仲話當Louis拎盒曲奇出嚟嘅時候，真係笑死，個個親戚嘅樣都變晒，唔通呢盒曲奇嘅威力真係咁大，仲話今年都試吓先。

最後係「如何化解熱情嘅小朋友」，Louis同豪Dee就畀一班小朋友圍住，為咗要解開呢個困局，Louis即刻拎咗利是出嚟，小朋友仲即場靜晒諗住等拎利是，點知Louis收番埋以曲奇取替，見到真係唔知講咩喇！網民就話如果利是變曲奇，應該會當場喊出嚟呀，仲高呼還我利是，真係十分搞笑！

網民有話兒：

KXX：講到盒曲奇咁神奇，今年都試吓！

AXX：年年都會遇到的問題，等我今年學吓Louis。

CXX TXX：Louis同豪Dee呢個組合好新鮮，好好笑！

MXX：Louis好型呀！好鐘意佢！

VXXXX：呢段片太搞笑喇！