父母介紹對象 鍾舒漫:婚姻唔可以求其

20170124
東網電視
更多新聞短片
鍾舒漫明白父母對自己關愛,但搵對象唔係單純為咗拍拖,目的係婚姻!

歌手鍾舒漫(Sherman)出席其代言的日本岩盤浴專門店活動,她表示代言期為兩年,酬勞是開心價,又指平時有做開岩盤浴:「配合埋運動好正,舒服過只係做運動,同埋我有時都會做全身Spa。(唔怕畀人按到敏感部位?)唔會尷尬,我叫佢哋隨便,因為淋巴塞咗會影響成個人,呢啲敏感位置一定要通,就算我自己喺屋企都會按。」

而Sherman透露與妹妹鍾舒祺夾錢請父母在農曆新年一同到馬來西亞旅行:「人大咗放假會想陪父母,所以就一齊出去relax吓。」問與父母去旅行可怕他們要求多?Sherman笑說:「細個就掛住玩,大個想佢哋開心,佢哋有要求仲好,好過唔知佢哋想點,滿足晒就得。」

問父母是否希望她有與另一半同行?Sherman即說:「咁要『有咗』先嘅,我指有咗個男朋友先。父母一定想,我依家用力去安撫佢哋多過擔心自己,我對自己有信心,都唔知佢哋擔心啲咩。」又指父母曾介紹對象給她:「做朋友啫,我好Open,唔抗拒,做咗朋友先啦,依家我唔係想搵拖拍,都希望啱嘅就進入婚姻,唔想求其。」

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon