何雁詩新碟畀陳瀅包起:叫佢做媽媽

20170124
東網電視
更多新聞短片
何雁詩(左圖)谷碟,佢成班姊妹嚟撐場,陳瀅(中圖右)仲話包底㖭!

歌手何雁詩(Stephanie)到唱片舖宣傳新碟,獲好姊妹陳凱琳(Grace)、陳瀅、劉佩玥(Moon)、Super Girls的Cheronna及賴慰玲撐場,其中Grace身穿白色通花短上衣,透出內裏黑色Tube Top。期間Stephanie充當店長,Moon即刻畀錢買碟,而陳瀅則碌卡買。

請食飯答謝

受訪時,問到會買多少隻碟支持Stephanie?賴慰玲謂每人起碼買兩、三隻,陳瀅謂賣淨她包底,Stephanie即笑言:「我唔知印咗幾多隻,即刻加碼。」陳瀅即補鑊謂:「我講第一批。」而主角Stephaine指她尚未買碟,但會買多些送畀家人,講到很多好姊妹撐場,她坦言很感動:「佢哋義不容辭,我好大意,講錯啲時間地點佢哋知,但佢哋都有不停追問,唔同公司都唔介意幫我,好感動。」問到怎樣報答她們?Moon即叫她以身相許,Stephanie謂會請食飯:「希望可以做到好成績,想喺台上多謝佢哋。」

叫陳瀅做媽媽

講到Stephanie現時捱出頭來,其他姊妹都戥她開心,陳瀅說:「我好似大姐姐咁,呢兩年睇住佢不停成長進步,好感動。」Stephanie即抵死叫陳瀅做媽媽:「仲包起我啲碟。」新年將至,問到她們可會約出來?Stephanie笑言:「我哋每一日都已經一齊,睇吓會唔會散會。(你哋會唔會傾感情事?)一定會,感情、人生、事業乜都會傾,但感情事冇嘢好講。(Grace應該最多嘢講?)佢咁穩定,冇新嘢好講。」

感動一齊喊

期間現場播起劇集《四個女仔三個BAR》的主題曲,主演此劇的Stephanie、Grace、Moon及陳瀅即興奮大叫,Moon說:「每次我唔如意時,當電話播起呢首歌,我就會好感動,有重新出發嘅感覺。」Grace亦記起她們四人首次看此片頭時一齊喊,Stephanie亦謂睇最後一集時她們都有喊。講到今日她們四人都穿了白色衫,她們笑言是冇夾過,講到穿白衫好似結婚,Stephanie則謂:「冇咁快。」



__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon