名人：蔡一鳳下禁床令　盛品儒花墟喪咀

前亞視高層盛品儒是家中獨子，蔡一鳳一早明白繼後香燈的任務，並答應會生4個，原應入門即開行turbo造人，只是兩公婆均事業心重，盛品儒為發展個人的遊戲生意，廢寢忘餐，而蔡一鳳又接手發展海外的大型旅遊項目，要經常離港，兩公婆變得聚少離多，令造人計劃被逼一再延遲。其實蔡一鳳深覺有仔趁嫩生的道理，故早前向公司請辭轉做顧問，並答應老公40歲生日送上B做禮物，但最奇怪，一直未有好消息公布。

未有時間佗B

據閨中蜜友爆料，原來過去數月蔡一鳳向老公突發出「禁床令」：「Michelle喺法國的珠寶總店，已經搞得七七八八，7月就開幕，5月又要喺澳門開新店，連開兩間，所以呢排Michelle忙到一頭煙，太操勞，佢覺得如果呢個時候佗B，對BB未必最好，所以同老公商量，造人計劃要遲多少少，過埋農曆新年就解禁，盛品儒都同意。」一向好聽老婆話的盛品儒，自然無得say no，但正值壯年又點能夠禁慾？

係咁索吻

早前見盛品儒陪老婆行花墟，趁農曆新年前掃新年裝飾用品，當日下午三時許，他們由司機送抵花墟，同行還有一名傭人，蔡一鳳對新年裝飾興緻勃勃，不斷左揀右揀，盛品儒明顯是陪睇，經常借意向老婆索吻，老婆揀裝飾品又錫，老婆揀花又錫，幾乎行廿步錫一啖，身邊傭人似乎見慣不怪，有途人見到他們咀嘴連場，不禁駐足兼眼望望，而盛品儒卻一於少理，不停錫不停錫，蔡一鳳知道老公忍得辛苦，行經一間蛋撻店時，即買撻餵飽老公，老婆餵食撻，盛品儒一副得戚樣，邊食邊笑到冧滋滋。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon