一係濛咗一係唔望鏡頭　曹格畀仔女玩殘

馬來西亞歌手曹格與太太吳速玲去年驚傳離婚，幸好只係虛驚一場，雨過天青嘅佢哋感情更勝從前，仲不時二人世界拍吓拖，有時就享受天倫樂，十分溫馨！呢日正正係佢哋嘅家庭日，一家四口又再出動，曹格仲親自操刀，影低唔少溫馨片段，吳速玲亦喺微博上載呢批照片，其中見佢搭住囝囝Joe膊頭影相，不過Joe嘅表情勁肉緊，畫面好搞笑！

兩個小朋友仲跳跳紮冇時停，搞到張張相唔係NG濛咗，就係有人冇望鏡頭，睇嚟負責影相嘅曹格都好頭痕！相反，吳速玲心情靚爆，仲留言話：「難得非假日出去吃晚餐，就一個飽字。」