《3日2夜》新女!34C周佩婷肥妹變索女

20170126
東網電視
更多新聞短片
肥妹有肥妹嘅好,不過瘦咗就更索啦!

無綫娛樂台主播周佩婷(Angel)和伍富僑早前到了澳洲,為節目《3日2夜》拍陽光與海灘外景,其中Angel更大晒34C胸器,而伍富橋亦不甘示弱,作為男主播的他亦不輸蝕,騷出一排朱古力腹肌,二人各有睇頭。

經常畀人話肥

Angel亦透露她之前在美國讀書時是一名有肉地的肥妹仔,只因入行後出鏡經常被人批評,她說:「初初入行嗰陣,每一日、每一個人都會叫我減肥,一開頭係好大壓力,我係接受唔到佢哋咁講,情緒係好低落。」為了上鏡更好看,惟有開始做運動及節食減肥,結果她由138磅減到現在只有109磅,她指減肥期間好辛苦:「試過一日淨係食蘋果同麥皮,甚至夜晚瞓瞓吓醒咗覺得好內疚,要起身做運動。係好辛苦㗎,依家見到想食嘅嘢都冇得食。」

伍富橋推動

雖然Angel成功減肥,不過原本上圍D cup就跌到C cup:「入咗無綫之後,見到個個都好瘦,而富橋亦有做GYM操肌,所以,我為咗配合上鏡而開始減肥,富橋成個Trip都提我唔好食咁多嘢,佢真係好照顧我,有佢推動真係Keep住瘦。(介意跌Cup?)其實我唔係好介意人哋點睇肥瘦,只要舒服、健康就得,以前有肉地,不過我都好滿意依家個身型。」

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon