煮湯圓顯身手！蘇麗珊跟習俗初一唔洗頭

農曆新年一家人團聚，絕對少不了一頓色香味俱全的團年飯，身為廚藝初哥的藝人蘇麗珊（Cecilia）亦出一分力，專程煮湯圓冧爆家人，並取其團團圓圓的好意頭！她說：「每逢新年屋企人都會煮九大簋，仲會一齊食湯圓，寓意一家人團團圓圓。雖然我廚藝唔叻，但都想幫吓手表示心意，所以揀咗煮最簡單嘅湯圓，今次仲用埋紅豆沙做湯底，食落更加甜，希望大家都可以幸福過新一年！」

紅豆沙湯圓的賣相及味道不俗，加上心意絕對值一百分，不過Cecilia的圈外男友卻未能享用，皆因她打算與好姊妹外遊度新歲：「今年新年會同好姊妹去旅行，所以年三十晚唔可以同屋企人食飯，應該提前或後補食團年飯。（到時會唔會帶男友拜年兼見家長？）暫時唔會，因為我哋啱啱先開始，同埋佢嘅工作都好忙，未必夾到時間見面，不過會買手信畀對方。」

講到新年有不少傳統習俗，Cecilia坦言是迷信之人，每逢年初一跟足習俗不洗頭，以免洗走財運，屬猴的她又謂去年「犯太歲」，故今年會「還太歲」以保平安！她說：「舊年我身體好差，成日好易病，亦有唔少是非，所以打算『還太歲』，希望可以趕走病星同小人，新一年順順利利！」

髮型：Will Yu@the attic

化妝：Will Wong@WiLL makeup

場地：雲來軒

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon