舊情人合體!鄭中基楊千嬅世紀合唱

20170127
東網電視
更多新聞短片
鄭中基同楊千嬅世紀同台!

鄭中基(Ronald)一連四場《PLAY IT AGAIN世界巡迴演唱會》今日年卅晚假紅館正式揭幕,相隔10年再登紅館舞台,他今次碌爆「人情卡」,親自邀請多位圈中好友擔任神秘嘉賓,據知最爆是「舊愛」楊千嬅將驚喜現身。雖然2013年Ronald與千嬅在《金像獎》同場過,當時已成為焦點,但今次在紅館舞台上再度「合體」,是二人分手多年後首次同台合唱,相信必定會掀起高潮。

張學友都撐

除了舊愛楊千嬅外,據知嘉賓還有「歌神」張學友、薛凱琪(Fiona)等。Ronald當年出道時,唱功了得而被視為學友接班人,更因父親鄭東漢的關係,細細個就認識學友。他加入樂壇後,學友不時加以扶持,兩人合唱一曲《左右為難》亦大受歡迎。至於Fiona跟Ronald曾在電影《六福喜事》中飾演夫婦,大放笑彈,表現合拍,故當Ronald邀請她做嘉賓時,Fiona二話不說立即答應。

視線受阻門票同樣售罄

由於要為演唱會作最後衝刺的綵排,Ronald在網上笑言要在紅館食團年飯。今次4場個唱早就爆滿,但仍有不少歌迷撲唔到飛,昨日Ronald在社交網公告有少量視線受阻門票發售,每場約有150張,但聽聞600張飛於短短幾分鐘內已火速搶購一空。

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon