愈撈愈起　馬德鐘雞年再開餐廳

藝人馬德鐘（Joe）與太太張筱蘭（Karen）在其投資的日本餐廳內試食新年菜式「撈起」慶新春，寓意風生水起，愈撈愈起。Joe表示這道菜採用了二十款新鮮食材，包括各式蔬菜絲、魚生及漬物，好意頭又健康，Karen則稱：「新年食得多油膩嘢，可以食呢道菜，健康又清新，好似沙律咁。」

農曆新年Joe與家人出外度歲，他笑言：「機票好難搶，我想去熱嘅地方，但又想睇雪喎！之前忙住拍劇，趁新年好好休息，其實有時都想喺假期靜一靜，計劃吓新一年嘅工作。」

餐廳穩步上揚

回顧猴年，從事了二十多年演藝事業的Joe認為最大突破，是他開食店做老闆以及成為馬主，可算踏上人生新階段。至於雞年大計，近年忙在內地搵人仔的Joe坦言：「如果有機會我都想喺香港拍劇，同香港觀眾見面。到三月尾，我會喺香港再開其他食肆。其實係有幾樣嘢搞緊，要遲啲先公布。」問是否要建立飲食王國，Joe謙稱自己在飲食業上是初哥，慶幸餐廳開業半年已穩步上揚：「對我哋嚟講係好大挑戰，邊學邊做，對香港巿道有信心，幫手製造小小嘅就業機會咁啦！但暫時就未考慮喺內地開食肆。」

場地：松

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon