名人：Ana R.爆老公過年唔着底褲

名模Ana R.與1歲多的女兒Maya，以及老公Bradley Garland今年留港過新年，Ana相信新年要穿紅色的新衫，故除準備了紅色褸給Maya外，及紅色內衣給自己，她更大爆老公不穿底褲，她說：「我好信着紅底有好運，因為有年喺台灣打麻雀着紅底有贏錢。（買紅底畀老公？）佢唔着底褲。」

唔知有「赤口」

Ana透露新年親自下廚煮傳統中式菜如髮菜及蒸魚，她說：「老公上年唔肯食，但我同佢講，食咗會帶來財運。Maya就好鍾意食中式食物，試咗食叉燒，唔鍾意食西餐。」提到初三是「赤口」，容易鬧交，Ana表示自己第一次聽，亦會留在家。

儲起囡囡利是錢

至於平時會否鬧交？Ana直言：「唔會，因為好攰，Maya成日好早起身，忙住湊女。」她亦會帶女兒外出?利是，已經幫女兒開了儲蓄基金，每月會儲二千至五千元（港元），作女兒將來開支。Ana表示新年願望是將快樂感染身邊人，因為有了Maya十分開心，她更讚女兒好活潑好動，每日都不一樣，又會主動攬她，令她十分窩心。

Maya影相時毫不怯場，Ana謂：「Maya鍾意愛影相，但老公唔准佢做模特兒，惟有唔講畀老公知，Maya已經影過4次相，4個月大影第一次，有好友朋友都想影佢，做啲小工作，將啲錢儲起將來用。」

服裝: Alice McCall