鄭中基有齊中女三寶　千嬅嚇窒！

歌手鄭中基（Ronald）一連四場的《PLAY IT AGAIN世界巡迴演唱會》來到第三場，到encore環節，Ronald請來舊愛楊千嬅擔任壓軸嘉賓。千嬅笑問他為何咁大膽請自己做嘉賓：「碌人情卡碌咁大點還呢？你可以攤好長嘅還款期，我幫你諗埋點還，上次見你喺金像獎，你話將最愛嘅嘢放低去拍電影，你嘅電影係好睇，但冇必要放低你最叻嘅嘢，如果你想還嘢畀我，拎番起你最叻嘅嘢，將你嘅歌還畀我，電影唔使拍得多，最緊要中！」

鄭中基唱到散晒

之後千嬅唱出Ronald的《閉目入神》前，笑問他為何不飲水，之後?水飲。Ronald指自己飲暖水，千嬅驚訝說：「你已經去到飲暖水？係咪仲有頸巾同潤手霜。」Ronald話有，千嬅驚訝他有齊中女三寶。千嬅唱完歌後，兩人再拖手抱抱，千嬅便落台。之後Ronald都呆咗幾秒，不停望住千嬅落台嘅方向，之後他回神後說：「我中間都唱到散咗。」

惡補千嬅名曲

到點唱環節，再有人點千嬅的《烈女》及《可惜我是水瓶座》，Ronald說：「尋日瀨咗嘢，我都惡補咗些少。」之後都有各唱出一段。