今年奔七　葉麗儀感謝《上海灘》輝煌卅年

殿堂級歌手葉麗儀年初三擔任馬場嘉賓，為大家獻唱新春歌曲，當她唱出首本名曲《上海灘》時，特別感謝前輩黃霑及顧家輝為她創作了一首耳熟能詳的歌，令她事業輝煌了三十多年。

她表示大年初一才返港：「都有五、六年冇喺香港過年，我哋做呢行過年通常要唱歌，會去美加或者新加坡登台。我喺悉尼住，但一年都會返嚟香港幾次，今年意想不到香港會咁暖。」她透露現在都是弄孫為樂，會接載他們上學，減輕媳婦負擔，記者笑指她是好奶奶？她指孫兒再大啲就會有自己生活，故很珍惜跟他們相處，會陪他們一起踩單車和游泳等，她續說：「依家大孫女九歲，孫仔七歲，啱啱同孫女踩單車，已經追唔到佢，我今年就70歲，所以要好好保持健康，（會唔會擺大壽？ ）唔會啦，同屋企人慶祝。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon