分手先兆?葉璇微博刪除小默先生蹤影

20170202
東網電視
更多新聞短片
呢啲都好明顯係分手先兆。

早兩年藝人葉璇被拍下與小默先生於上海街頭拖手兼錫錫之後,佢哋隨即順勢公開戀情,仲不時喺微博晒恩愛放閃,佢哋放閃瘋狂嘅程度,曾經有唔少網民以「葉璇中降頭」嚟形容,話葉璇同小默先生拍拖之後好似變咗另外一個人咁,正當大家以為佢哋打風都打唔甩時,葉璇嘅微博突然唔見晒所有關於小默先生嘅嘢,唔通佢哋感情出現咗問題?

翻查葉璇嘅微博,佢唔止刪除咗留言,仲有好似幫小默先生慶生嘅恩愛合照,甚至乎連讚好小默先生嘅微博都統統刪除,可謂非常徹底。唔少網民見到呢個情況都話好可惜,不個就有多口嘅網民話終於可以見番「正常」嘅葉璇。