《玄學星相》：蔡思貝多仔埋身有助運勢

邊個話女神一定要有飄逸的長髮？無綫小花蔡思貝、鄧佩儀及傅嘉莉最近轉短髮LOOK，清爽造形令人耳目一新，更被捧為短髮女神！究竟剪短髮會否有助她們的事業及姻緣運？東網巨星推出的節目《玄學星相》，最新一集邀得堪輿學家雲文子，以玄學角度分析一眾短髮女神的運程。

留有清爽短髮的蔡思貝近年負評不斷，相反異性緣十分旺盛，不時與劇中拍檔傳緋聞，原來其短髮造形不利人緣！雲文子說：「蔡思貝本身命宮臨『太乙』，代表彎彎曲曲、婀娜多姿，所以依家留咗短頭髮會減弱人緣，最好留番長髮，長度去到膊頭嘅位置，加上有少少微攣，咁就可以加強運勢。同埋呢兩年佢嘅異性緣非常旺，會對運勢好有幫助。」

而華姐冠軍出身的鄧佩儀入行以來未為人熟悉，直至剪短髮演出劇集《幕後玩家》才成功上位，對此雲文子說：「鄧佩儀嘅命宮臨『庚儀』，而『庚』為夫，代表中性、男仔頭形象會更加討好兼入屋，所以佢KEEP住短頭髮，2017年會更加旺。」

至於，傅嘉莉講過剪短髮後，少了狂蜂浪蝶埋身，雲文子分析指：「傅嘉莉本身命宮臨『玄武桃花星』，所以絕對唔怕冇桃花，同埋剪短頭髮後，反而減少咗爛桃花。」想繼續聽師傳點講？只要Click入東網巨星，睇《玄學星相》就更啱Feel！