收身成功晒腰 鍾嘉欣教囡囡Say Hi
靚媽鍾嘉欣現身時代廣場舉行的「金龍醒獅賀新歲」活動,產後6個月的她穿上露腰裝,現場所見已成功收身。嘉欣透露現時體重跟從前只差兩磅。新年期間有到長輩家拜年,不少親友買新年服給愛女Kelly,令其化身洋娃娃般,她謂新年願望是學識剪髮,準備將來為愛女及老公操刀。

拍劇未有消息

由於今次回港是即日來回,故嘉欣只單拖回港,笑指未感疲累,反而感到刺激,她謂:「喺加拿大我都係湊女,所以返嚟工作好享受,老公都好支持。(係咪想多啲工作?)想投入多少少。(有冇趁今次搵無綫高層樂易玲傾吓?)時不時都有聯絡,但拍劇都未收到消息住。(同TVB仲有約?)有呀!」

為囡囡第一句話險鬧交

嘉欣更大讚6個月大的愛女很乖,坐飛機齋睡覺,起飛、降落也食人奶,所以沒有耳仔痛而哭,更大談夫妻二人更為囡囡第一句說話而爭議,她謂:「我哋分別想佢叫爸爸同媽咪,最後共識係叫Hi,因為個女成日笑,如果佢講個Hi字一定好冧。(咁會唔會再生?)會,但唔會即刻,我湊唔切,自己同哥哥、家姐都係差兩年,所以等個女兩歲先。」
__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon