舒淇探徐若瑄仔仔得個桔

台灣女神舒淇上年與馮德倫拉埋天窗，今年佢首次以人妻身份派利是。佢連日來去咗唔同人嘅屋企拜年，好似尋晚就去咗好姊妹徐若瑄（Vivian）度派利是，順道向Vivian取經生仔。Vivian喺社交網上載照片，見到佢囝囝「李V寶」着上「大吉大利」嘅好意頭TEE拜年，識做嘅佢仲主動送個柑畀舒淇，氹到女神勁冧，咁開心唔知佢畀「李V寶」封利是會唔會加碼呢？

此外，兩位人妻仲孖住小朋友「賣萌」合照，齊齊擺出得意甫士，點知「李V寶」唔合作，仲好心急咁拆利是，相當爆笑！難怪Vivian要代囝囝賣口乖，仲留言：「影后姨姨大吉大利。」