《老表3》就煞科！蔡少芬忙到狂生痱滋

藝人蔡少芬（Ada）早排一直忙於拍攝無綫新劇《老表，畢業喇！》，不過套劇話咁快就煞科喇，呢日Ada喺社交網站上載了與同劇演員吃飯盒的合照，雖然照片中唔見拍檔郭晉安（安仔），不過就見到有林欣彤、劉江、黃建東等人，大家仲笑得好開心，Ada話：「好有意思的一餐，最後一天的 #老表3# 電視劇！我要好好享受！感恩和大家的合作！ 」似乎Ada都拍得好開心，仲話好期待再同佢哋合作，唔少網友都留言話好期待呢個劇，好想快啲睇到佢同安仔嘅作品呀！

雖然忙完拍劇，不過Ada都仲未有得休息，已經要飛去外地錄節目，唔知係咪休息唔夠，佢就生咗痱滋，仲甫咗撳住個嘴嘅相，就話：「咀（嘴）裡（裏）三粒飛（痱）滋，痛！我沒有所謂，可明天還要錄節目啊！」網民都留言叫佢要抽時間休息，唔好咁搏先至會快啲好，聽唔聽到呀，Ada？